Қош келдіңіздер!

🔰 Жалпы білім беретін пәндер бойынша 2–4 сынып оқушылары арасында өткен қалалық олимпиаданың жеңімпаздары марапатталды. ✅ Білім бәйгесінде топ жарған дарындарымызды құттықтаймыз! ✅ Жас жеңімпаздарға жаңа белестер мен үлкен жетістіктер тілейміз!

  🔵Қазақстан Республикасының Президенті Қасым-Жомарт Тоқаев «Қазақстан Республикасының орта білім беру жүйесіне жасанды интеллектіні ендіру жөніндегі шаралар туралы» Жарлыққа қол қойды 🔵Аталған құжат орта білім беру жүйесін дамытудың басым бағыттарының бірі ретінде жасанды интеллект технологияларын енгізуді айқындайды. Сонымен қатар ол адами капиталды дамытуда жасанды интеллект негізінде заманауи, инновациялық білім беру жүйесін қалыптастыруға жағдай жасауға бағытталған. 🔵Оқу-ағарту министрлігі

«Адал азамат» біртұтас бағдарламасы аясында 1 мамыр – Бірлік күніне орай «Халықтар достығы – ұлт байлығы» тақырыбында 1–11 сынып оқушыларына арналған сынып сағаты өткізілді. Сынып сағатының негізгі мақсаты – оқушыларға Қазақстан халқының бірлігі мен татулығының маңызын түсіндіру, түрлі ұлт өкілдерінің мәдениеті мен дәстүріне құрметпен қарауға тәрбиелеу, достық пен сыйластық құндылықтарын насихаттау болды. Іс-шара барысында оқушылар Қазақстанда тұратын әртүрлі ұлттар туралы мәліметтермен

Мектебіміздің 4-сынып оқушысы Қасымхан Альнияз «Сәлем, әлем!» телеарнасындағы «Мен елімнің ертеңі» бағдарламасына қатысып, білімге құштар ұрпақтың жарқын үлгісін көрсетті. Жас болса да арманы биік, мақсаты айқын дарынды оқушымыз өз еңбегімен, ізденісімен үлгі болып келеді. Осындай талапты шәкірт тәрбиелеп отырған жетекшісі, Ибрайханова Мақпал Валерианқызына алғыс айтамыз. Дарынды оқушымызға биік белестер мен үлкен жеңістер тілейміз! Біз сенімен мақтанамыз, Альнияз!  

«ЖЫЛДЫҢ ҮЗДІК ОҚУШЫСЫ – 2026» БАЙҚАУЫ БАСТАЛДЫ! 🔰 №21 орта мектеп ең дарынды әрі белсенді оқушыларды анықтайды. 🔷 Байқау ҚР Оқу-ағарту министрлігінің №514 бұйрығында бекітілген, байқаулар тізімі негізінде өткізіледі. 🔷 Сонымен қатар, жергілікті Жетісу облысы білім басқармасы, Талдықорған қаласы білім бөлімі ұйымдастырған байқаулардың нәтижелері есепке алынады. 🔹 28.04 – 08.05: Сыныптық іріктеу 🔹 12 – 13.05: Құжат қабылдау 🔹 14 – 15.05: Комиссия шешімі 🔹 20 МАМЫР: МАРАПАТТАУ! Толық ақпарат

«Балалар кітапханасы» жобасы аясында «Ұлттық кітап» күніне орай «Балалар әдебиеті – рухани тәрбие бастауы» тақырыбында ұйымдастырылған онкүндік іс-шаралар аясында №21,22,23,30 мектеп кітапханашыларының ұйымдастыруымен «Ғажайыпқа толы сырлы әлем» тақырыбында ұлағатты ұстаз, қаламгер, ертегіші Жұмабала Балақарановамен кездесу кеші өтті. Кеш мақсаты Жұмабала Балақаранова апайдың шығармашылығымен таныстыру. Оқушыларды ертегілер арқылы кітапқа деген қызығушылықтарын арттыру, кітап оқуды насихаттау .

“Балалар кітапханасы “жобасы аясында “Ұлттық кітап“ күні аясында мектеп кітапханасымен бірлесе “Кітап білім бұлағы” зияткерлік сайысын Қазақ тілі мен әдебиет пәннің ұстаздары Зарина апай және Наркез апай 5 “А”сыныбымен өткізді.  

Республикалық «Алтын сақа» олимпиадасының облыстық кезеңінде мектебіміздің 5-сынып оқушысы Нүсіпжан Ясин ІІ орын иеленді. Жетекшісі – математика пәнінің мұғалімі Мұратов Қуат Мұратұлы. Дарынды оқушымызға алдағы жарыстарда жаңа жетістіктер тілейміз! Жарайсың Ясин!  

Республикалық «Алтын сақа» олимпиадасының облыстық кезеңінде 3-сынып оқушысы Бәукен Ұлан ІІ орын иеленді. Жетекшісі – бастауыш сынып мұғалімі Нурымхожина Қарлығаш Дауытбаевна. Дарынды оқушымызға алдағы жарыстарда жаңа жетістіктер тілейміз! Жарайсың Ұлан!

💐"8 наурыз – Халықаралық әйелдер күніне" орай мектебімізде «Анаға құрмет» атты концерттік бағдарлама ұйымдастырылды. Кеште оқушылармен қатар ер-азаматтар да өнер көрсетіп, мерекелік көңіл-күй сыйлады.