"Математика пәнінен функционалдық сауаттылықты арттыру жолдары" атты тақырыбында қалалық тәжірибе алмасу семинары

2023 жылдың 26 - шы қазан күні Талдықорған қаласы, Бақтыбай Жолбарысұлы атындағы √18 орта мектеп - лицейінде "Математика пәнінен функционалдық сауаттылықты арттыру жолдары" атты тақырыбында қалалық тәжірибе алмасу семинары өтті. Семинардың мақсаты: математика пәні мұғалімдерімен функционалдық сауаттылықты арттырудың тиімді әдіс - тәсілдерімен бөлісу. Семинарда мектебіміздің математика пәнінің мұғалімдері Жанбырбаева Нургуль Сейткамаловна мен Нусупкалиева Жазира Масалымовна ашық сабақтар өткізіп, ұтымды әдіс - тәсілдерімен бөлісті. Сонымен қатар тәжірибе алмасу семинарында мектебіміз "Ассоциация" тәсілі арқылы күз мезгілі мен семинар тақырыбын байланыстыра отырып "Фито чай" кері байланысын ұйымдастырды. Ұстаздардың ашық сабаққа берген кері байланыстары "Padlet" тақтасы арқылы көрсетілді. Сұрақтар төңірегінде ұстаздар ашық алаңда өз ойларын айтып, пікір алмасып, ұсыныстарын білдірді. Кері байланыс барысында дәруменге толы "Фито чай" дайындалып ұстаздарға ұсынылды.